腸胃炎|中醫
今次想同大家講下腸胃炎中的胃炎症狀，因為腸胃炎其實唔一定會出現腹瀉，而且天氣漸趨炎熱，食物比較容易變壞，所以大家在處理食物日時，要細心留意一下。
同上一次的腸胃炎一樣，我都會建議大家進食清淡流質食物，少食多餐，減輕胃腸負擔。唔記得清淡飲食指咩?禁就要揾返上一篇文章温故知新了。胃部不適型同腹瀉型的腸胃炎不一樣，胃部不適的症狀會比較容易反覆，有機會會持續2-3周，所以在貌似症狀減退後，都建議清淡飲食數天，然後再循序增加難消化食物，以減低復發機會。
如果症狀過後稍見胃脹，可以考慮飲用大麥茶，可以健脾益氣，有助減輕胃部症狀。
如果情況十分嚴重，就要到診所揾更專業的幫助了。
(文章照片由互聯網提供)
(譽豐中醫診療中心版權所有, 未經同意, 不得轉載或翻印)
Comments